बिश्वकप २०१४ब्राजिल:- कसले लैजाला कप?

फुटबलको महाकुम्भ भनेर चिनिने विश्वकप प्रतियोगिता आजबाट शुरु हुने भएको छ। प्रत्यक ४-४ बर्षमा आयोजना हुने विश्वकप फुटबल प्रतियोगिता यसपाली दक्षीण अमेरिकी मुलुक ब्राजिलमा हुनेछ। यो उक्त प्रतियोगिताको २०औं संस्करण हो।

ब्राजिल सम्पुर्ण तयारी पुरा भैसकेको र उद्घाटनकालागि तयार भएको जानकारि फिफाले गराएको छ। उद्घाटन खेलमा आयोजक ब्राजिल र क्रोएशिया भिड्ने छन्। ब्राजिल लगायत क्रोएशिया, मेक्सिको र क्यामरुन समुह ‘ए’मा रहेकाछन्। त्यसैगरि समुह ‘बी’मा स्पेन, नेदरल्याण्ड, चिली र अष्ट्रेलिया समुह ‘सी’मा जापान, आईभरी कोष्ट, ग्रीस र कोलम्बिया समुह ‘डी’मा ईङल्याण्ड, ईटाली, उरुग्वे र कोस्टारिका समुह ‘ई’मा स्विजरल्याण्ड, होन्डुरस, ईक्वेडर र फ्रान्स समुह ‘एफ’मा ईरान, नाईजेरिया, बोस्निया-हर्जगोविना र अर्जेन्टिना समुह ‘जी’मा पोर्चुगल, घाना, जर्मनी र अमेरिका र समुह ‘एच’मा बेल्जियम, रुस, दक्षिण कोरिया र अल्जेरिया रहेका छन्।

सहभागी ३२ टिममा सबै बलिया मानिएका छन्। विश्वकप बिजेता बन्ने होडमा रहेका टोलीहरुमा अगाडी आउने केहि नामहरुमा ब्राजिल, अर्जेन्टिना, स्पेन, नेदरल्याण्ड, पोर्चुगल, जर्मनी आदि रहेका छन्। हुनत: पुरानो ईतिहास हेर्ने हो भने दक्षिण अमेरिकामा भएको कुनै पनि विश्वकप उक्त महादेश भन्दा बाहिरका टोलीले जितेका छैनन्। अहिले पनि उक्त परम्परा कायम रहे ब्राजिल वा अर्जेन्टिना बिजयी हुने अडकल काट्न गाह्रो छैन्। दक्षिण अमेरिकाका उरुग्वे र चीली पनि राम्रा टोलीका रुपमा परिचित छन् र उरुग्वे २ पटकको विश्व बिजेता पनि रहेको छ।

के अब नयाँ ईतिहास कोरिएला वा पुरानै परम्परा कायम रहला ? यो प्रश्नको सहि  उत्तरका लागि एक महिना कुर्नु पर्ने हुन्छ।  सन् १९३० मा उरुग्वेमा भएको पहिलो विश्वकपमा आयोजक उरुग्वे बिजयी भऐको थियो। सन् १९५०मा ब्राजिलले आयोजना गरेको विश्वकपमा पनि उरुग्वे नै बिजयी भएको थियो। त्यसैगरि सन् १९६२मा चिलीले आयोजना गरेको विश्वकपमा ब्राजिल बिजयी भएको थियो भने सन् १९७८मा अर्जेन्टिनाले आयोजना गरेको विश्वकपमा आयोजक अर्जेन्टिनानै बिजयी भको थियो।

अहिलेसम्म दक्षिण अमेरिकाले आयोजना गरेको ४ वटा विश्वकपमा उक्त महादेशकै देशहरु बिजयी भएको ईतिहास हेर्दा पनि दक्षिण अमेरिकामा अरु महादेशका देशहरुलाई गाह्रो पर्ने देखिन्छ। हुनत: रेकर्डहरु तोड्नकैलागि बनेका हुन्छन भन्ने हो भने के यसपाली नयाँ ईतिहास रचिन्छ त ? फेरि पनि उतर समयको गर्भमा नै रहेको छ।

अडकल काट्नेहरुमा धेरै पुर्व फुटबल खेलाडिहरुले ब्राजिल र अर्जेन्टिनाको नाम लिईरहेकाछन यसपालीको विश्वबिजेताको रुपमा। के ब्राजिलले आफ्नो घरको फाईदा उठाउन सक्छ वा आफ्नो घरमा खेलिएको प्रेसरले थिच्नेछ ? के अर्जेन्टिना सन् १९८६ पछि सेमिफाईनल पुग्ननसकेको आफ्नै रेक्रड तोड्न सफल होला ? हुनत: मेशीले ब्राजिल ओर्लने बित्तिकै भनिसकेकाछन् ‘हामीले यसभन्दा अगाडी जे गल्ती गर्यो त्यसबाट पाठ सिकिसकेकाछऔ र यसपाली हामी राम्रो खेल्ने छौं ।’

उता ब्राजिल फुटबललाई संस्कृतीका रुपमा लिने गरेको छ र यसपालि ब्राजिलका समर्थकहरु जित भन्दा तल कुनै पनि कुरामा खुशी हुने छैनन् भन्ने हेक्का ब्राजिलियन टोलीलाई रहेको छ। उक्त कुराको प्रेसर कति पर्ने छ ब्राजिलियन टोली माथि वा उल्ले उक्त प्रेसर कसरी सम्हाल्ने छ ? यो नै निर्णायक हुनेछ।

युरोपका टोलिहरु पनि कागजमा राम्रा देखिएका छन्। जहिले राम्रो खेल्ने जर्मन पनि यो पल्टको दावेदार रहेको छ। के स्पेनले आफ्नो पुरानो लय कायमै राख्ला ? पोर्चुगल पनि प्रेसरमा हुनेछ उसकालागि रोनाल्डोले कप दिलाउँछन भन्ने पोर्चुगलका समर्थकहरुको ठूलो आश रहेको छ।

हुनत: खेल हो ९० मिनेट कल्ले राम्रो खेल्छ उल्ले जित्ने हो खेल भनेको तरपनि राम्रा टोलीहरुले राम्रो खेल खेल्नेछन र केहि नयाँ किर्तिमानहरु यसपाली देख्न पाईने छ भनेर पुरा विश्वको आँखा अब १ महिनाकालागि ब्राजिलमा हुनेछ। हेरौ यो विश्वकपले सम्झनलायकका कति उपहारहरु दर्शक-समर्थकहरुलाई दिनेछ त्यो समयले नै बताउनेछ।